قصيدة اخ لاأخته بعد تغير حالها بعد الزواج

هذا واحد كان يحب اخته وعلاقتهم قويه مع بعض متعود على ضحكتها
وفرفشتها وخفة دمها بعد ماتزوجت اخته وراحت مع زوجها اخوها سافر واتصل عليها بعد فترة ولاحظ
اخته ماتضحك كأنها حزينة وصوتها مو طبيعي وكل ما يسألها وش فيك تقوله مافي شي عرف ان زوج
اخته يهين اخته ويسيئ معاملتها كتب هذي القصيدة





لاتنثرين الدمع قولي لي وش فيك ***** تخالطت عبرات صوتك وانا اسمع


تقطع خطوط الجو والصوت مغريك ***** ودمعك غدى نيران بالجوف واقشع


ووقف شعر راسي ودكن دواكيك ***** وضرب اخماس اسداس بالشك واجمع


ويبسن عروق القلب وصارن مهاليك ***** مغير اغص بخافي الريق وابلع


وشلون مابه شي يرحم اهاليك ***** تدرين بغير الصدق لايمكن اقنع


انا عهدت الضحك يعشق اشافيك ***** وعيون ماخلقت علشان تدمع


سلامة الي كل ابوهم عزاويك ***** وليا انتخوا بالحيز نيران واشنع


وليا وضح صوتك باذاني عزاويك ***** (حيزا حيزا !)ساعة الصفر ترجع


تكفخ حرار(ن)ماسبقوها مماليك ***** وترسي جبال(ن)مانوت يوم تخضع


وتارد فهود(ن)ماتهاب الشرابيك ***** وتهوي نجوم(ن)لارمت جال تفنع


من اقصى الجزيرة اعصار توحي اذانيك ***** من هيبته يرتج حفره ويركع


ومن اقصى الحساء بركان تونس اياديك ***** من هيبته صميدع القلب يربع


لا والله الا اجيك وشلون ما اجيك ***** شفني عليه اقرب من الموت واسرع


اللي ازعلك يمكن نسى اني اخيك ***** ولا تخيل لاتغربت ما ارجع


لاتنثرين الدمع حيَّن محاكيك ***** والله تخضع اشناب من شان مدمع